სსიპ ქ. მარნეულის #2 საჯარო სკოლაში არსებული წრე "მომავლის პროფესია"

სსიპ ქ. მარნეულის #2 საჯარო სკოლის მასწავლებლის
გიორგი ჭაუჭიძის წრე “მომავლის პროფესია”

1. ზოგადი დებულებები

1. 1. წრე “მომავლის პროფესია” დაფუძნებულია სსიპ ქ. მარნეულის მე-2 საჯარო
სკოლის პედაგოგის, სსიპ მასწავლებელთა პროფესიული განვითარების
ეროვნული ცენტრის პროგრამის “არაქართულენოვანი სკოლების მასწავლებელთა
პროფესიული განვითარება” მონაწილის გიორგი ჭაუჭიძის მიერ.

1. 2. წრეში გაერთიანებულები არიან XI-XII კლასების ის მოსწავლეები, რომლებიც
აპირებენ სწავლა გააგრძელონ საქართველოს უმაღლეს სასწავლებლებში.

1. 3. წრეობრივი მეცადინეობები ტარდება 2018-19 სასწავლო წელს სკოლის
ტერიტორიაზე კვირაში ორი დღის განმავლობაში ერთსაათიანი ხანგრძლივობით.

1. 4. წრეში გაწევრიანებული მოსწავლეებისთვის მეცადინეობები სრულიად უფასოა.
სრულიად უფასოდ მიეწოდებათ მოსწავლეებს რესურსებიც.

1. 5. წრეზე ჩარიცხვა ხდება მოსწავლისა და მშობლის სურვილითა და თანხმობით
სკოლის დირექციასა და წრის ხელმძღვანელთან შეთანხმებით. კავშირი: 577-955-257.

2. წრის მიზნები და ამოცანები

წრეში გაწევრიანებული მოსწავლეები შეძლებენ სასურველ დონეზე ჩააბარონ
საქართველოს უმაღლესი სასწავლებლებისთვის გათვალისწინებული ზოგადი
უნარების გამოცდა. ამ მიზნის მისაღწევად მოსწავლეები მეცადინეობენ წრის
ხელმძღვანელის მეთვალყურეობით.

3. წრის პროგრამა

3. 1. ზოგადი უნარების გამოცდის მნიშვნელობა და მისი ტესტის სტრუქტურა.

3. 2. ტესტის ვერბალური და მათემატიკური ნაწილები და მათი დახასიათება.

3. 3. ანალოგიებზე დაფუძნებული დავალებების პირველი ტიპი და
მათი ამოხსნის გზები.

3. 4. ანალოგიებზე დაფუძნებული დავალებები მეორე ტიპი და მათი
ამოხსნის გზები.

3. 5. წინადადების შევსებაზე ორიენტირებული დავალებების პირველი ტიპი.

3. 6. წინადადების შევსებაზე ორიენტირებული დავალებები მეორე ტიპი.

3. 7. ლუგიკური ამოცანები.

3. 8. წაკითხული ტექსტის გააზრების დავალებები.

3. 9. მათემატიკური ნაწილის რაოდენობრივი შედარების დავალებები.

3. 10. მათემატიკური ნაწილის ამოცანები.

3. 11. მონაცემთა ანალიზზე დაფუძნებული დავალებები.

4. საწრეო მეცადინეობებზე გამოყენებული რესურსები

4.1. საწრეო მეცადინეობებზე გამოიყენება შეფასებისა და გამოცდების ეროვნული
ცენტრის მიერ სხვადასხვა წელს გამოყენებული გამოცდების ელექტრონული
ვერსიები, რომელთა ამობეჭვდა, საჭიროების შემთხვევაში, ხდება სკოლის
პრინტერის მეშვეობით სასკოლო ან/და წრის ხელმძღვანელის სახსრებით.

4.2. საწრეო მეცადინეობებზე შეიძლება გამოყენებულ იქნას ისეთი დამატებითი
რესურსები, როგორიცაა სხვადასხვა კლასის სახელმძღვანელოები მათემატიკასა
და ქართულში, სხვადასხვა ავტორის მიერ გამოცემული ზოგადი უნარების
ტესტების სახელძღვანელოები.

4.3. წრეობრივი მეცადინეობები წარიმართება პროექტორითა და კომპიუტერებით
აღჭურვილ ოთახში, რაც მოსწავლეებს საშუალებას მისცემს ელექტორნული
რესურსებით სარგებლობისას.

5. მონიტორინგი და შეფასება. წრის შედეგების აღიარება.

5. 1. წრის შედგების მონიტორინგი ხორციელდება პერმანენტულად სკოლის
ადმინისტრაციის მიერ. მონიტორინგის შედეგები აისახება წრის მუშაობის
გაუმჯობესებაში.

5. 2. წრის შედეგები გაიზომება სკოლისა და წრის ხელმძღვანელისაგან
დამოუკიდებლად ისეთი ინდიკატორების საშუალებით, როგორიცაა შეფასებისა
და გამოცდების ეროვნული ცენტრის მიერ ჩატარებული ზოგადი უნარების გამოცდები.

5.3. ზოგადი უნარების გამოცდების მონაცემები მოპოვებული იქნება მოსწავლეებთან
და მათ მშობლებთან შეთანხმებით და დაცული იქნება სრული კონფიდენციალურობა.

წრის შესახებ ინფორმაცია განთავსებულია ღია სივრცეში და გამოქვეყნებულია
სკოლის გვერდსა და ჯგუფში.